बराबरको खेल भन्छन्
खेल न खेली मैदानमा
फुत्त निस्कने ठेलमेल नै
यहाँ
योग्यताको नाक बगाउने
भेल बन्छन्।

जमाना ग्लोबलको होनि !
पैसा बिना हुंदैन बोनी
शान त छ जुनलाई पनि
फत्ते गर्ने
यता चामल छोड़ेर पिठो
किन्न हत्ते गर्ने।

यद्यपि आजले काँचुली त
फेर्यो धैर्य पखाल्दै
श्रेष्ठत्वले एटमबम फोड़्यो
बदलिंदो क्यालेण्डार संगसंगै
ध्वंसको महामारीले सबैलाई घेर्यो।

जतै होड़को तोड़ले पोल खोल्यो
ूयोग्य भोग्य वसुन्धराू को मौन तोड़्यो
हुर्मत काड़ेर ग्लोबलको मोलमा तौलिन्दै छ
अनागतलाई आजले जिउँदै मार्यो।

आधा भरिएको गाग्रो छचल्किन्छ
आध्यात्म बिनाको विज्ञान अधकल्चिन्छ
जीव जगतको गड़ आयु कमाएर
यो आध्यात्म पनि मर्दै छ
यहाँ क्षण क्षण श्रेष्ठत्व हराएर।

मतलबको बनाएर
टोली साँघुरो मनले बोल्दै छ
बोली बिजन जती खाएर
हकुवाको बिस्कुन छर्दै छन्
आज रटन्ते बोलीले
झोली भर्ने पाइंदैन
हो कतै न झर्कने शिष्ट
फुर्सदको बोली डाह लुकेको छ
हौसलामा पनि आज भोलि।